Nvidia-მ წლიური შემოსავალი გააორმაგა, ხოლო მისი აქციები კი, ერთ დღეში 9%-ით გაიზარდა. Apple-მა პირველი M6 Mac-ი წარადგინა - , რომელიც უშუალოდ ლოკალური ხელოვნური ინტელექტის მოდელების სამართავად შეიქმნა. OpenAI აცხადებს, რომ მის მიერ შექმნილი საკუთარი ჩიპი -Jalapeño, უკვე ჯობნის Nvidia-ს ანალოგებს. Hugging Face-მა გამოუშვა $399-იანი ღია კოდის რობოტი, რომელმაც კომპანიას ერთ დღეში $2.6 მილიონიანი შემოსავალი მოუტანა. Gemini-მ კიისწავლა, როგორ შეინარჩუნოს და შეასრულოს თქვენი მიზნები კვირების განმავლობაში.
კვირის მთავარი თემა: Nvidia $96.2 მილიარდის შემოსავალს აფიქსირებს
ოთხშაბათს, 26 აგვისტოს, ბირჟის დახურვის შემდეგ Nvidia-მ ფისკალური წლის მეორე კვარტლის შედეგები გამოაქვეყნა: $96.2 მილიარდიანმა შემოსავალმა წლიურ ჭრილში 106%-იანი ზრდა აჩვენა და Wall Street-ის პროგნოზსაც ($92.3 მილიარდი) გადააჭარბა. კორექტირებულმა მოგებამ ერთ აქციაზე (EPS) $2.22 შეადგინა ($2.09-იანი მოლოდინის საპირისპიროდ). აქციების ფასი, რომელიც მანამდე შვიდდღიან ვარდნას განიცდიდა და რამაც კომპანიის საბაზრო კაპიტალიზაციას $400 მილიარდზე მეტი დააკარგვინა, ხუთშაბათს თითქმის 9%-ით გაიზარდა.
კომპანიის აღმასრულებელმა დირექტორმა, ჯენსენ ჰუანგმა, ამ მომენტს გარდამტეხი უწოდა: კომპანია აღარ დგას მიწოდების ტრადიციული დეფიციტის წინაშე, არამედ ის ახალი ტიპის სიმძლავრეებითაა შეზღუდული — მთავარ შემაფერხებელ ფაქტორს წარმოადგენს იმ მონაცემთა ცენტრების მშენებლობის ტემპი, რომლებმაც ეს აპარატურა უნდა გამოიყენონ, და არა თავად ჩიპების წარმოება.
კვარტლის ყველაზე საყურადღებო დეტალი Nvidia-ს ქსელური ინფრასტრუქტურის ბიზნესია - InfiniBand-ისა და Ethernet-ის პროდუქტებმა AI სუპერ კლასტერებისთვის კვარტალში თითქმის $15 მილიარდი გამოიმუშავეს: შედარებისთვის, ორი წლის წინ ეს მაჩვენებელი კვარტალში დაახლოებით $3 მილიარდი იყო. ფინანსურმა დირექტორმა, კოლეტ კრესმა დაადასტურა, რომ Nvidia-ს ახალი თაობის Vera CPU უკვე ეგზავნება ისეთ წამყვან მომხმარებლებს, როგორებიცაა Oracle, SpaceXAI და, მიმდინარე კვარტლიდან მოყოლებული, AWS-საც. Nvidia აღარ არის მხოლოდ ჩიპების მწარმოებელი, ის უკვე სრულ გამოთვლით ეკოსისტემას აშენებს.
ფინანსურ ანგარიშთან ერთად, ამ კვირაში Nvidia-ს კიდევ ერთმა სტრატეგიულმა ნაბიჯმა გაიჟღერა. გავრცელებული ინფორმაციის თანახმად, კომპანია მოლაპარაკებებს აწარმოებს Hugging Face-ის შესყიდვასთან დაკავშირებითაც, რაც ჩიპების გიგანტს პოტენციურად, ღია მოდელების ჰოსტინგისა და კოლაბორაციის უდიდეს პლატფორმაზე მისცემს კონტროლს.
Apple წარადგენს Mac mini M6-სა და Mac Studio-ს: ლოკალური AI-ის სამართავად
25 აგვისტოს Apple-მა თითქმის ორწლიანი პაუზის შემდეგ Mac-ების პირველი მასშტაბური განახლება გამოაცხადა - ახალი Mac mini, რომელიც M6-ზეა აგებული (ეს M6-ის პირველი გამოჩენაა მოწყობილობებში). მას აქვს განახლებული Mac Studio M5 Max ჩიპი და პირველად ისტორიაში, Ultra ვერსია, რომელსაც 80-მდე CPU ბირთვი და ნახევარი ტერაბაიტის მეხსიერება აქვს.
ორივე უშუალოდ შექმნილია AI აპლიკაციების მოწყობილობაზე (on-device) გასაშვებად. წინასწარი შეკვეთები უკვე გახსნილია, გაყიდვები კი 22 სექტემბერს დაიწყება. Ultra კონფიგურაციის მეხსიერების მოცულობა - 512 გიგაბაიტი, რომელზეც ერთდროულად მიუწვდებათ ხელი როგორც CPU-ს, ისე GPU-ს, კრიტიკული მაჩვენებელია ლოკალური AI-ისთვის. ეს ნიშნავს, რომ Mac Studio Ultra-ს შეუძლია 200–400 მილიარდი პარამეტრის მქონე მოდელების გაშვება კვანტიზაციის კომპრომისების გარეშე ერთ მოწყობილობაზე. შესაძლებლობა, რომელიც აქამდე მხოლოდ მასიური სერვერული აპარატურის პრეროგატივა იყო, ახლა ზურგჩანთაშიც ეტევა.
OpenAI აცხადებს, რომ მისი Jalapeño ჩიპები უკვე Nvidia-ს ჩიპებს ჯობს
Bloomberg-ის 25 აგვისტოს ინფორმაციით, OpenAI-მ პარტნიორებსა და ინვესტორებს შეატყობინა, რომ მისი Jalapeño ინფერენს-ჩიპები (შიდა წარმოების ASIC, რომელიც Broadcom-თან ერთად 9 თვეში შეიქმნა და ივნისში პირველად მიეწოდა სემ ალტმანს) ინფერენს-დატვირთვებისას Nvidia-სმიმდინარე წარმოების ჩიპებზე უკეთ მუშაობს.
განცხადება დამოუკიდებლად გადამოწმებული არ არის და ბენჩმარკის მეთოდოლოგიაც არ გამოქვეყნებულა, თუმცა სტრატეგიული გზავნილი საყურადღებოა: OpenAI საკუთარ ჩიპს ოფიციალურად აპოზიციონირებს არა როგორც Nvidia-ს დანამატს, არამედ როგორც მის პირდაპირ კონკურენტს. აღსანიშნავია, რომ Jalapeño მოდელების საწვრთნელად არ არის განკუთვნილი. სტრატეგიული გათვლა იმაში მდგომარეობს, რომ 2027 წელს Microsoft-თან ერთად გიგავატის მასშტაბის დანერგვის შემდეგ, ChatGPT-ის მოთხოვნების მომსახურების ერთეულის თვითღირებულება მკვეთრად შემცირდეს, რაც პირდაპირ უპასუხებს კომპანიის -122%-იანსაოპერაციო მარჟას.
ფიზიკური AI: რობოტები ბაზარზე გამოდიან
Hugging Face Microduck - $399-იანი ღია კოდის ორფეხა რობოტმა 24 საათში $2.6 მილიონის გაყიდვები დააფიქსირა
27 აგვისტოს Hugging Face-მა წარმოადგინა Microduck: 25-სანტიმეტრიანი ორფეხა რობოტი 15 ძრავით, კამერით, ორი ინერციული სენსორითა და მოძრავი ნისკარტით, რომელსაც 800 გრამის აწევა შეუძლია. მას შეუძლია ბარბაცით სიარული, ჩაჯდომა, დაცემის შემდეგ წამოდგომა, ლაზერის მანიშნებლის გაყოლა და გორგოლაჭებით სრიალიც კი. პირველი ჩართვისას თითოეული მოწყობილობა საკუთარ უნიკალურ ხმას აგენერირებს.
Pollen Robotics-თან ერთად შექმნილი რობოტის ფასი $399-ია. სრული SDK, სიმულაციური გარემო და განმტკიცებითი სწავლების () სისტემა GitHub-ზე ღია ლიცენზიითაა განთავსებული. აღმასრულებელმა დირექტორმა, კლემ დელანგმა მას უწოდა „ღია კოდის რობოტი, რომელსაც შეგიძლიათ ახალი ილეთები ასწავლოთ“. პირველ 24 საათში წინასწარმა შეკვეთებმა $2.6 მილიონი შეადგინა. ეს ანონსი ზუსტად იმ დღეს დაემთხვა, როდესაც გავრცელდა ცნობები Hugging Face-ის შესაძლო შესყიდვაზე Nvidia-ს მხრიდან.
პროდუქტების განახლებები: აგენტები მუდმივობას იძენენ
Gemini Live და Spark-ს ერთიანდებიან
26 აგვისტოდან Google-ის Gemini Live და Spark ინტეგრირდნენ. ეს კომბინაცია ფუნდამენტურია — Gemini Live-ში წარმოთქმულ ერთ ხმოვან მოთხოვნას შეუძლია წამოიწყოს მრავალსაფეხურიანი ამოცანა, რომელიც Google Docs-ში, Sheets-ში, Drive-სა და ინტერნეტში დღეების ან კვირები სგანმავლობაში იმუშავებს მაშინაც კი, როდესაც ეკრანს არ უყურებთ.
მიზანი უცვლელი რჩება მოწყობილობის გადატვირთვისა და სესიის დასრულების შემდეგაც. ეს არის Google-ის პირდაპირი პასუხი Microsoft-ის Copilot Scout არქიტექტურაზე. პრაქტიკული კითხვა კი უსაფრთხოებას ეხება: რამდენად უსაფრთხოა ზოგადი პროდუქტიულობის გარემოში აგენტის მრავალკვირიანი უმეთვალყურეო მუშაობა? განსაკუთრებით AISI-ს ბოლოდროინდელი ანგარიშის ფონზე, სადაც Mythos 5-ის მხრიდან ფარული ქცევების გამოვლენაზე იყო საუბარი.
Microsoft Copilot-ის განახლება Excel-ისთვის
Microsoft-ის Copilot-ის განახლება Excel-ისთვის AI ასისტენტს ცხრილებში ორგანულად ინტეგრირებულ ინსტრუმენტად აქცევს. დაემატა ჩატის ისტორიის შენარჩუნება, ცვლილებების ისტორიის ფუნქცია (რომელიც აჯამებს ბოლო რედაქტირებებს, ასხვავებს ადამიანის ჩარევას Copilot-ისგან და შეუძლია კონკრეტული რედაქტირების გაუქმება ან მუშა ფორმულის აღდგენა), დიაგრამებისა და PivotTable-ების შექმნა მოთხოვნისთანავე, და ექსპერიმენტულ რეჟიმში — Python-ის ფორმულები, რომლებიც უშუალოდ ცხრილში ცოცხლობენ და სტანდარტული ფორმულებივით ავტომატურად ახლდება.
OpenAI-მ ChatGPT-დან o3 მოდელი ჩახსნა
26 აგვისტოს OpenAI-მ საბოლოოდ გაიწვია o3 ChatGPT-დან, რითაც დაასრულა 90-დღიანი გარდამავალი ეტაპი. არსებული საუბრები ავტომატურად გაგრძელდება GPT-5.6 Sol-ზე. ამ ცვლილებით, ChatGPT-ის მოდელების მთელი ხაზი უკვე მთლიანად GPT-5.6 ოჯახს წარმოადგენენ: Sol, Terra და Luna, სადაც ლოგიკური მსჯელობა (Reasoning) პირდაპირ სისტემაშია ჩაშენებული და არა ცალკე მოდელად გამოყოფილი.
გარდა ამისა, 30 აგვისტოს ChatGPT-ში მუშაობას დაასრულებს DALL-E GPT-იც, რაც მომხმარებლებს GPT-5.6-ში ინტეგრირებულ გამოსახულების გენერაციის ხელსაწყოებზე გადაიყვანს.
შევაჯამოთ:
AI-მ საბოლოოდ შეწყვიტა უბრალო პროგრამული უზრუნველყოფის ისტორიად ყოფნა და ერთდროულად გადაიქცა აპარატურულ, ინფრასტრუქტურულ და კაპიტალის ბაზრების გლობალურ მოვლენად. Nvidia-მ შემოსავლები გააორმაგა, რადგან ის აშენებს ნერვულ სისტემას ეკონომიკისთვის, რომელიც ჯერ კიდევ მასშტაბირების პროცესშია. Apple-მა თავისი ყველაზე მნიშვნელოვანი დეველოპერული ხაზი ლოკალური ინფერენსის ირგვლივ გადააწყო. OpenAI-მ საკუთარი ჩიპებით დამოუკიდებლობა გამოაცხადა, Hugging Face-მა კი $399-იანი რობოტი ზუსტად იმდღეს გამოუშვა, როცა მისი შესაძლო შესყიდვის შესახებ გავრცელდა ცნობები.
NBER-ის დასკვნა იმის შესახებ, რომ ხელოვნურ ინტელექტს ჯერ არ მოუტანია გაზომვადი ჯამური პროდუქტიულობის ზრდა, გარკვეულ უხერხულ წინააღმდეგობაში მოდის ამ პროცესებთან, თუმცა ეს დაძაბულობა შეუსაბამობას არ ნიშნავს. ინფრასტრუქტურა შენდება იმ ტემპით, რომელიც წინასწარ გულისხმობს, რომ პროდუქტიულობის ეს ნახტომი გარდაუვალია. მომდევნო ექვსი თვის მთავარი კითხვაა: რამდენად დაემთხვევა რეალური მოთხოვნა AI-ის პროდუქტზე იმ გამოთვლით სიმძლავრეებს, რომლებიც ახლა იქმნება? ეს არის კითხვა, რომელსაც Nvidia-ს ანგარიშმა საბოლოოდ გასცა პასუხი — ჯენსენ ჰუანგის ვერდიქტი ასეთია: „ჯერ არა, მაგრამ ძალიან მალე“.
ეს უბრალოდ AI-ია. გაუზიარე კვირის მიმოხილვა მეგობრებს და დაგვეხმარე, რაც შეიძლება მეტ ადამიანს მივაწოდოთ ინფორმაცია.
ასევე დაგაინტერესებთ:
NBER-ის კვლევა: ეკონომიკურ კვლევათა ეროვნული ბიუროს მონაცემებით, სამუშაო ძალაში AI-ისგან ჯამური პროდუქტიულობის რეალური ზრდა ჯერ არ ფიქსირდება. ეს მიმდინარე თვის მთავარი კონტრარგუმენტია AI ჰაიპის წინააღმდეგ.
რუსული გავლენის ოპერაციის შეჩერება: OpenAI-მ დაბლოკა ChatGPT ანგარიშების ქსელი, რომელიც არჩევნების დეზინფორმაციისთვის გამოიყენებოდა.
AI ელფოსტის ჰაკინგი: Forcepoint-მა აღმოაჩინა მეთოდი, სადაც HTML წერილებში დამალული უხილავი ტექსტი AI-ის მიერ შეჯამებულ შინაარსს ცვლის ისე, რომ ადამიანისთვის ხილული ტექსტი უცვლელი რჩება.
Cloudflare-ის 15 სექტემბრის ვადა: AI კომპანიებს მოეთხოვებათ გამიჯნონ თავიანთი ვებ-სკრაპერები, წინააღმდეგ შემთხვევაში სარეკლამო შემოსავალზე მომუშავე მედია გვერდებზე ავტომატურ ბლოკს მიიღებენ.
Nvidia და Hugging Face: მოლაპარაკებები შესაძლო შესყიდვაზე გრძელდება, პარალელურად კი Nvidia უშვებს ინფერენსის ამაჩქარებელ ახალ ჩიპსა და რობოტოტექნიკას.
სასამართლო პროცესი Meta-ს წინააღმდეგ: კალიფორნია და კიდევ 28 შტატი Meta-ს ბავშვებში დამოკიდებულების გამომწვევი დიზაინის გამო ფედერალურ სასამართლოში უჩივიან; ჩვენებას Instagram-ის ხელმძღვანელი აძლევს.
100,000 აკადემიური მკვლევარი: OpenAI მეცნიერებს 2027 წლამდე უფასო წვდომას აძლევს მოწინავე მოდელებზე, რითაც სამეცნიერო საზოგადოებასთან კავშირებს აღრმავებს.
