მაიკროსოფტმა Build კონფერენციაზე საკუთარი AI-დამოუკიდებლობა გამოაცხადა, Anthropic-ის ყველაზე საშიშმა მოდელმა 150 ახალი პარტნიორი შეიძინა, ხოლო Apple-ის WWDC-ის გახსნამდე სულ რამდენიმე საათი რჩება. მიმოხილვა მოვამზადეთ Microsoft, Anthropic, Gizmodo, CNBC, Engadget, SecurityWeek, MacRumors, Perplexity და სხვა წამყვანი ინდუსტრიული წყაროების მასალებზე დაყრდნობით.
კვირის მთავარი სიახლე — MICROSOFT BUILD 2026
მაიკროსოფტმა Build 2026 კონფერენცია ყველაზე მკაფიო განცხადების გასაკეთებლად გამოიყენა — მასაღარ სურს საკუთარი პროდუქტების მუშაობისთვის OpenAI-ზე იყოს დამოკიდებული. სან-ფრანცისკოში, კომპანიის გენერალურმა დირექტორმა სატია ნადელამ და მუსტაფა სულეიმანმა შვიდი ახალი შიდა მოდელი წარმოადგინეს: აქედან მთავარი პროდუქტია MAI (Microsoft AI), რომლებიც სრულიად ნულიდან არის გაწვრთნილი, ყოველგვარი მესამე მხარის მოდელების დაუხმარებლად. მიუხედავად იმისა, რომ მაიკროსოფტმა $13 მილიარდამდე ჩადო OpenAI-ში, როგორც ჩანს, ის ბოლო ორი წლის განმავლობაში ჩუმად აშენებდა საკუთარ მოდელურ დამოუკიდებლობას.
მთავარი მოდელი MAI-Thinking-1 არის 35-მილიარდიანი MoE (Mixture of Experts) ტიპის ლოგიკური მსჯელობის მოდელი, 256K კონტექსტური ფანჯრით. მაიკროსოფტი ამტკიცებს, რომ ის სრულად უთანაბრდება Claude Opus 4.6-ს SWE-Bench Pro ტესტში და ბრმა ადამიანურ შეფასებებში Claude Sonnet 4.6-ზე მაღალი რეიტინგიც კიმიიღო. მოდელებთან ერთად კომპანიამ წარადგინა Majorana 2 (კვანტური ჩიპი) და Project Solara (ავტონომიური აგენტებით მართული Android პლატფორმა მოწყობილობებისთვის, რომლის დანერგვასაც Best Buy, CVS და Target გეგმავენ).
სხვა წარდგენილი მოდელების ჩამონათვალში შედის: MAI-Code-1-Flash (სწრაფი და იაფი კოდირების მოდელი, MAI-Image-2.5 (ვიზუალების გენერატორი, რომელიც უკვე ინტეგრირებულია PowerPoint-ში); MAI-Transcribe-1.5 (მეტყველების 25 ენაზე ტრანსკრიფციის მოდელი, რომელიც Azure Fast-ზე 2.5-ჯერ სწრაფია); დაMAI-Voice-2 (აუდიო გენერაციის მოდელი, რომელიც 60 წამიანი აუდიო მასალას სულ რამდენიმე წამში ქმნის).
უსაფრთხოება და მოწინავე მოდელები
Claude Mythos ფართოვდება: 150 ახალი ორგანიზაცია 15 ქვეყანაში. Anthropic-მა გააფართოვა თავისი კონტროლირებადი პროგრამა, Project Glasswing, სადაც Claude Mythos Preview-ზე წვდომა 50-დან 200 ორგანიზაციამდე გაზარდა. ახალი პარტნიორები მოიცავენ ენერგეტიკის, წყალმომარაგების, ჯანდაცვის, კომუნიკაციებისა და აპარატურის მწარმოებელ ინდუსტრიებს 15 სხვადასხვა ქვეყნიდან. Anthropic-ის განცხადებით, მოდელი ადამიანთა აბსოლუტურ უმრავლესობას სჯობს სისტემური ხარვეზების პოვნასა დამათ ექსპლუატაციაში. ზოგადი ხელმისაწვდომობა ჯერ კიდევ შეზღუდულია, თუმცა კომპანია მასზე წვდომის გახსნას უახლოეს კვირებში გეგმავს, როგორც კი უსაფრთხოების დამატებითი ბარიერები დამტკიცდება.
ახალი ხელსაწყოები და განახლებები
OpenAI Codex ბიზნეს-პლაგინებს და ChatGPT Enterprise ინტეგრაციას ამატებს. OpenAI აგრძელებს Codex-ისგაფართოებას ბიზნეს-პლაგინებით, რაც კორპორატიულ გუნდებს საშუალებას აძლევს, შიდა ინსტრუმენტები და მონაცემთა ბაზები პირდაპირ კოდირების აგენტს დაუკავშირონ.
Microsoft Work IQ API გლობალურად ხელმისაწვდომი ხდება 16 ივნისიდან. ეს განახლება დეველოპერებს აძლევს პროგრამულ წვდომას იმ ინტელექტუალულ შრეზე, რომელსაც Microsoft 365 Copilot-ი შიდა პროცესებისთვის იყენებს (იმეილები, კალენდარი, ფაილები, ჩატები და შეხვედრები). პარალელურად გამოვიდა Web IQ — მოდელ-აგნოსტიკური, MCPვებ-ძიების სისტემა, რომელიც 2.5-ჯერ უფრო მაღალი სიზუსტით გამოირჩევა,
აგენტების ინტეგრირება ფინანსებსა და ინფრასრტუქტურაში
ხელოვნური ინტელექტი ტოვებს ბრაუზერებს და ფიზიკურ მოწყობილობებში ინაცვლებს. Kajeet-მა წარმოადგინა SentinelOS — საოპერაციო შრე, რომელიც IoT სენსორებსა და Edge კომპიუტერებს აგენტებთან თავსებადს ხდის. აღნიშნული მიუთითებს იმაზე, რომ საოპერაციო სისტემების დონეზე აგენტების დაშვება ინდუსტრიის ახალ ბრძოლის ველად ყალიბდება.
ამასთანავე, Trustfull-მა ჩაუშვა თაღლითობის საწინააღმდეგო conversational პლატფორმა, სადაც უსაფრთხოების გუნდებს შეუძლიათ რთული API მოთხოვნების ნაცვლად, ჩვეულებრივი ტექსტური ბრძანებებით (მაგ. „მონიშნე ყველა საეჭვო ანგარიში ბოლო 24 საათში“) მართონ უსაფრთხოება.
ფინანსურ ბაზრებზე კი, გასულ კვირას Robinhood-ის მიერ AI ვაჭრობის ჩაშვების შემდეგ, TKROBOTS-მა წარადგინა კრიპტო-ვაჭრობის ავტომატიზებული პლატფორმა, ხოლო SparkyFi-მ შექმნა სპეციალური AI მწვრთნელი დეცენტრალიზებული ფინანსებისთვის (DeFi), რაც ადასტურებს, რომ დელეგირებული ფინანსურიAI კაპიტალის ბაზრებსაც სწრაფად იპყრობს.
ბაზრის დღევანდელი სურათი და მოლოდინი WWDC კონფერენციის წინ
2026 წლის ივნისის მონაცემებით, ChatGPT კვლავ ლიდერობს ვებ-ვიზიტების 54.7%-ით, თუმცა ტრაექტორიის მთავარი სიურპრიზი Claude გახდა, რომლის ვიზიტებიც ერთ კვარტალში 306%-ით გაიზარდა და 824 მილიონს მიაღწია, რაც პირდაპირ კავშირშია Claude Code-ის კორპორატიულ წარმატებასთან. კვირის ყველაზე დიდი მოლოდინი კი მაინც Apple-ის ეროვნულ კონფერენციას (WWDC) უკავშირდება. ვრცელდება ინფორმაცია, რომ განახლებული Siri 2.0 იმუშავებს Google Gemini-ის სპეციალიზებულ 1.2-ტრილიონიან მოდელზე Apple-ის დაცულ ღრუბელში, ექნება ეკრანის აღქმის, პერსონალური კონტექსტის გააზრებისა და დამოუკიდებელი აპლიკაციის სახე, რომელიც ChatGPT-ის პირდაპირი კონკურენტი იქნება. Apple-მა კი ამასობაში უკვე დაარეგისტრირა დომენი genai.apple.com და Google-ს წელიწადში 1 მილიარდ დოლარს უხდის ამ პარტნიორობისთვის. სხვის მოდელზე გადაწყობილი Siri-ს წარმატება განსაზღვრავს, შეძლებს თუ არა Apple ლიდერებთან ჩამორჩენის აღმოფხვრას.
სხვა მნიშვნელოვანი სიახლეები
Google და OpenAI DeepSeek-ის მხრიდან მათ ფლაგმანურ მოდელებზე დისტილაციის შეტევების შესახებ აცხადებენ და აშშ-ის მთავრობის ჩარევას ითხოვენ.
კალიფორნიის სასამართლოები საპილოტე რეჟიმში ნერგავენ AI მდივნის (clerk) ხელსაწყოს, რომელიც Anthropic, OpenAI და Google მოდელებზეა აგებული.
2026 წელს ტექნოლოგიურ სექტორში შემცირებებმა 142,000 ადამიანს მიაღწია — კომპანიები ათავისუფლებენ კაპიტალს $700-მილიარდიანი AI ინფრასტრუქტურის მშენებლობისთვის.
Anthropic სავარაუდოდ ცდილობს Google-ის მულტი-ტრილიონიანი Gemini მოდელის დისტილაციას, რათა ის ლოკალურად, მოწყობილობებზე გაუშვას.
CDT ანგარიში: 37 მანიპულაციური კანონზომიერებები (dark patterns) გამოვლინდა ChatGPT, Gemini, Claude, Replika და Character.AI პლატფორმებზე.
GitHub დეველოპერებს სთავაზობს 50-ზე მეტ მორგებად Claude Skills-ს დეველოპმენტის ავტომატიზაციისთვის
ეს უბრალოდ AI-ია.
