Meta 50 მილიარდ დოლარს დებს Hyperion-ში — 10 მილიონი კვადრატული ფუტის მონაცემთა ცენტრი საკუთარი ენერგოსისტემით
13 ივლისს, Meta-მ ლუიზიანას შტატის რიჩლენდის ოლქში მდებარე Hyperion AI კამპუსის ბიუჯეტის გაზრდა უკვე მეხუთედ გამოაცხადა. საერთო ინვესტიციამ 50 მილიარდ დოლარს გადააჭარბა, გამოთვლითი სიმძლავრე 5 გიგავატამდე გაიზარდა, ხოლო ტერიტორიის ფართობი 4 მილიონიდან დაახლოებით 10 მილიონ კვადრატულ ფუტამდე გაფართოვდა. პროექტი 2024 წლის დეკემბერში დაიწყო როგორც 10-მილიარდიანი და 2-გიგავატიანი ობიექტი, თუმცა 18 თვეზე ნაკლებ დროში მისი ბიუჯეტი ხუთჯერ გაიზარდა.
შედარებისთვის, Hyperion-ი და არაბთა გაერთიანებული საამიროებისა და აშშ-ის ერთობლივი კამპუსი (Stargate UAE, ასევე 5 გიგავატი) ჩინეთის ფარგლებს გარეთ ერთადერთი ოფიციალურად გამოცხადებული ობიექტებია, რომლებიც ამ მასშტაბის გამოთვლით სიმძლავრეზეა აგებული.
Meta-ს გენერალურმა დირექტორმა Hyperion-ი პირდაპირ დაუკავშირა Meta Superintelligence Labs-ს. Facebook-ის პოსტში მან აღნიშნა, რომ ლაბორატორიას ექნება „ინდუსტრიაში ყველაზე მაღალი გამოთვლითი სიმძლავრე და ყველაზე დიდი გამოთვლითი რესურსი თითოეულ მკვლევარზე.
Apple OpenAI-ის უჩივის და კომერციული საიდუმლოების მოპარვას ედავება
10 ივლისს ფედერალურ სასამართლოში შეტანილმა სარჩელმა მთელი კვირის ტექნოლოგიური მედიასივრცე დაიპყრო: Apple-მა OpenAI-ს კომერციული საიდუმლოების მოპარვაში დასდო ბრალი. Apple-ი OpenAI-ის და მის აპარატურული უზრუნველყოფის დირექტორს (Apple-ის ყოფილ თანამშრომელს) ადანაშაულებს კოორდინირებულ კამპანიაში, რომლის მიზანიც გამოუქვეყნებელი პროდუქტების კონფიდენციალური დიზაინის, ტექნიკური მახასიათებლებისა და საინჟინრო პრეზენტაციების მოპოვება იყო. Apple-ის კიდევ ერთ ყოფილ ინჟინერს ბრალი ედება კონფიდენციალური დოკუმენტების Apple-ის ლეპტოპზე ჩამოტვირთვასა და OpenAI-ში გადასვლის მსურველი კოლეგებისთვის გაზიარებაში. ნიშანდობლივია, რომ სარჩელში დასახელებულია ჯონი აივის io Products-იც, რომელიც OpenAI-სთან ერთად ახალ AI-მოწყობილობას ქმნის. OpenAI-მ ბრალდებები უარყო და სარჩელს უსაფუძვლო უწოდა.
გამომცემლები Google-ს Gemini-ს სწავლებისთვის უჩივიან — შიდა დოკუმენტით ჯარიმა $10B–$100B-მდეა შეფასებული
15 ივლისს Hachette Book Group-მა, Cengage Learning-მა, Elsevier-მა და ცნობილმა ავტორებმა ნიუ-იორკის ფედერალურ სასამართლოში Google-ის წინააღმდეგ კოლექტიური სარჩელი შეიტანეს. ისინი კომპანიას მილიონობით საავტორო უფლებებით დაცული წიგნის უკანონო კოპირებაში ადანაშაულებენ. მათი ცნობით კომპანია ამას Gemini-ს გასაწვრთნელად იყენებდა. სარჩელში ციტირებული Google-ის შიდა დოკუმენტის მიხედვით, სავარაუდო ჯარიმები 10-დან 100 მილიარდ დოლარამდე მერყეობს.
Anthropic-ი და ხელოვნური ინტელექტი სკოლებში
14 ივლისს Anthropic-მა Claude for Teachers წარადგინა. აშშ-ის სკოლების ვერიფიცირებული მასწავლებლები მიიღებენ უფასო 1-წლიან წვდომას Claude-ის პრემიუმ შესაძლებლობებზე. მთავარი უპირატესობა 50-ვე შტატის სასწავლო სტანდარტებთან ინტეგრაციაა: მასწავლებელს შეუძლია შეიყვანოს მოსწავლის შეფასებები და მიიღოს პერსონალიზებული სასწავლო გეგმა. ანალიტიკოსების შეფასებით, ეს არის Anthropic-ის ოსტატური სტრატეგია IPO-ს წინ - საგანმანათლებლო ეკოსისტემაში მასწავლებლები ხომ მომხმარებელთა მოზიდვის ყველაზე ეფექტური არხია.
მართვა და რეგულირება: შიდა და საგარეო წნეხი
AI უსაფრთხოების ინიციატევბს Google DeepMind-ის ხელმძღვანელი დემის ჰასაბისიც უერთდება, რომელიც ახალინიციატივას აყენებს - შეიქმნას დამოუკიდებელი საერთაშორისო ორგანო (ატომური ენერგიის სააგენტოს მსგავსი), რომელიც AI მოდელებს საჯარო გაშვებამდე შეამოწმებს. ეს განცხადება განსაკუთრებით საინტერესოა იმის გათვალისწინებით, რომ თეთრი სახლის 30-დღიანი შემოწმების რეჟიმი უკვე მოქმედებს OpenAI GPT-5.6-ისა და Anthropic Fable 5-ისთვის.
მოკლე ამბები
Google AI Studio | დაამატა custom URL-ები AI აპლიკაციების მარტივი გაზიარებისა და ბრენდინგისთვის. |
Meta Muse Image | გაეშვა Meta-ს პირველი შიდა AI გამოსახულების ; მოჰყვა კრიტიკა Instagram-ის ფოტოების გამოყენების გამო. |
Ode ($1.5B) | Anthropic-ისა და Blackstone-ის ერთობლივი პროექტი კორპორატიულ სექტორში Claude-ს დანერგვისთვის. |
Big Tech Capex | Google, Microsoft, Meta da Amazon AI ინფრასტრუქტურაზე 2026 წელს $725 მლრდ-ს დახარჯავენ (+77%). |
შევაჯამოთ:
AI სცილდება უბრალო მოდელების შეჯიბრს და ოთხ ძირითად ფრონტზე ინაცვლებს, ესენია: გამოთვლითი სიმძლავრე, იურიდიული უსაფრთხოება, მარეგულირებელი პოზიციონირება და დარგობრივი ინტეგრაცია. წლის განმავლობაში სწორედ ის AI კომპანიები იქნებიან ლიდერები, რომლებიც ინფრასტრუქტურულ წვდომას, იურიდიულ მდგრადობასა და მომხმარებელთა მოზიდვის მყარ არხებს ფლობენ.
ეს უბრალოდ AI-ია. გაუზიარე სიახლეები მეგობარს.
