OpenAI-მ უკვე ოფიციალურად დაანონსა Images 2.6-ის გამოშვება ChatGPT-ში, Codex-სა და -ში, რაც მომხმარებლებს იდეების კიდევ უფრო სწრაფად და ხარისხიანად განხორციელების საშუალებას აძლევს. განახლება მოიცავს ვიდეო/ანიმაციურ GIF-ებს, მნიშვნელოვნად აჩქარებს გენერაციის პროცესს და პერსონაჟებისა და ბრენდის დეტალების სრულყოფილ თანმიმდევრულობას უზრუნველყოფს. სტატისტიკა შთამბეჭდავია: მთელი მსოფლიოს მასშტაბით მომხმარებლები ახლა კვირაში 4 მილიარდ სურათს ქმნიან, რაც დღეში საშუალოდ ნახევარ მილიარდზე მეტ გენერაციას შეადგენს.
სიჩქარე და ეფექტურობა: Flare და Sunburst მოდელები API-ში
Images 2.6 წინამორბედებთან შედარებით სურათებს 50%-ით სწრაფად აგენერირებს. დეველოპერებისთვის -ში ხელმისაწვდომია ორი ახალი ვარიანტი: GPT-Image-2.6 Flare და GPT-Image-2.6 Sunburst.
როდესაც ხარისხი დაბალ დონეზეა დაყენებული, Flare-ს სურათის გენერაცია სულ რაღაც 6 წამში შეუძლია.
Flare ასევე აუმჯობესებს პოსტერების, პროდუქტის ვიზუალებისა და სხვა პროფესიონალური გრაფიკის განლაგების ხარისხს.
Sunburst შექმნილია მაღალი დეტალიზაციისა და სიზუსტისთვის, რაც უზრუნველყოფს სურათების უმაღლეს ხარისხსა და თანმიმდევრულობას რედაქტირების პროცესში, როდესაც ხარისხი საშუალო ან მაღალ დონეზეა.
იდეების ანიმაცია GIF-ების მეშვეობით
ახალი ფუნქციონალის ერთ-ერთი ყველაზე სახალისო და პრაქტიკული სიახლე GIF ფორმატში ანიმაციების შექმნაა. მარკეტერებსა და კრეატორებს უკვე შეუძლიათ კამპანიებისთვის ბრენდის სიმბოლოების (mascot) ანიმირება, სოციალური ქსელებისთვის მიმებისა და რეაქციების მომზადება, ან ანიმაციური სთორიბორდების გამოყენება ვიდეოწარმოებამდე პერსონაჟების მოძრაობის განსასაზღვრად. პროცესისთვის რთული დიზაინი საჭირო არ არის, თუნდაც მარტივი ესკიზი შეიძლება იქცეს ექსპრესიულ, ანიმაციურ პერსონაჟად ვიდეოებისა და თამაშებისთვის. მაგალითად, AI სამუშაო ასისტენტის შემქმნელმა სტარტაპმა Town-მა -ში Images 2.6 გამოიყენა იმის შესასწავლად, თუ როგორ შეიძლება ანიმაციურმა პერსონაჟებმა სამუშაო ურთიერთობებს მეტი პიროვნულობა და სიცოცხლე შემატონ.
გაფართოებული კონტროლი და რედაქტირება დეველოპერებისთვის
Images 2.6 დეველოპერებს სურათების შექმნის, რედაქტირებისა და პროექტის შემდეგ ეტაპებზე გადატანის სრულ კონტროლს სთავაზობს.
-ში ინტეგრირებულია სურათების მარკირების (image markup) ფუნქცია, რაც გუნდებს საშუალებას აძლევს, ზუსტად მიუთითონ კონკრეტული ცვლილებების ადგილი.
SVG ექსპორტი დიზაინებს გვიმზადებს ვებსაიტებისთვის, აპლიკაციებისა და ბეჭდური გამოცემებისთვის.
ახალი სირთულის (complexity) დეველოპერებს საშუალებას აძლევს, დაარეგულირონ, თუ რამდენად სიღრმისეულად უნდა დაგეგმოს მოდელმა მოთხოვნის შესრულება. სწრაფი რედაქტირებისთვის დაბალი სირთულეა რეკომენდებული, ხოლო მრავალელემენტიანი რთული სცენებისთვის — საშუალო ან მაღალი დონე.
ხელმისაწვდომობა და ფასები
Images 2.6 უკვე გლობალურად ხელმისაწვდომია ChatGPT-სა და Codex-ში ყველა სააბონენტო გეგმისთვის — დესკტოპზე, მობილურსა და ვებ-ვერსიაში. ხოლო GPT-Image-2.6 Sunburst და Flare მოდელები დეველოპერებს -ის საშუალებით მიუწვდებათ
