Google-მა სურათების გენერაციისთვის უკვე Nano Banana-ს ახალი ვერსია, Nano Banana 2 გამოუშვა, რომელსაც AI სამყაროში “SOTA”-ად (State of the art) მოიხსენიებენ.
მისი ძირითადი გაუმჯობესება რამდენიმე მიმართულებით მოხდა, მათ შორის:
სურათების ფოტორეალისტური გენერაცია - საუკეთესო ამ კატეგორიაში, თანაც უფასო;
მას უკეთ შეუძლია პერსონაჟის თანმიმდევრულობის შენარჩუნება რამდენიმე სურათსა და სცენაში;
სურათების ხარისხის გაზრდა 2k-მდე და 4k-მდე (აქამდე მხოლოდ ფასიანი ვერსიით იყო შესაძლებელი, ახლა უფასოა);
ტექსტების ამოცნობა და რედაქტირება სურათებს შიგნით (პოსტერები, ინფოგრაფიკები, mockup-ები)
წინამდებარე ბლოგ პოსტში ამ ახალ შესაძლებლობებს შევეხებით და რეალური მაგალითებით ვნახავთ, როგორ შეგვიძლია Nano Banana-ს გამოყენება.
მაშ ასე, დავიწყოთ.
საიდან ვიწყებთ?
თუ Nano Banana-ს პირველად იყენებთ, მასზე წვდომას gemini.google.com-ის ვებ-გვერდიდან მიიღებთ.
გახსენით საიტი;
დააწექით “Tools” და აირჩიეთ სურათის შექმნა (🍌 Create image);
გადაცვალეთ მის “Thinking” მოდელზე.
როგორ უმკლავდება prompt-ებს Nano banana 2
ახალი ფუნქციების დასატესტად მოდით რამდენიმე მაგალითი განვიხილოთ:
პირველ ტესტში შევეცადეთ პროდუქტის ფოტოზე ჩაგვენაცვლებინა არსებული პროდუქტი იმავე ბრენდის, განსხვავებული პროდუქტით:
დააკოპირეთ: ჩაანაცვლე ამ ფოტოზე ასახული [ პროდუქტი ], [პროდუქტით] და შეცვალე ფონი შესაბამისად.
შექმენით ინფოგრაფიკა სასურველი სტატიისგან
დააკოპირეთ: შექმენი ინფოგრაფიკა მოცემული სტატიის მიხედვით [სტატიის ბმული]
მართალია ინფორმაცია დეტალურად ამოიღო სტატიიდან და სტრუქტურა და შინაარსი იდეალურად არის გამართული, ქვეტექსტების გამართულად ასახვა მაინც გაუჭირდა, ამიტომ რამდენიმე გამეორება და დახვეწაა საჭირო.
გაზარდეთ სურათის ხარისხი
დააკოპირეთ: გაზარდე ამ ფოტოს ხარსხი 2k (ან სურვილისამებრ, მიუთითეთ 4k)
შემდეგი ფოტოსთვის ვთხოვეთ, ფოტოს შინაარსი, ხასიათი და გარემო ისე შეეცვალა, თითქოს პერსონაჟი Formula 1-ის გამარჯვებული ყოფილიყოს.
უნდა აღვნიშნოთ, რომ გარემოს ხასიათი და სტილი კარგად გადაიტანა, თუმცა იდეალურად ვერ შეძლო სახის გადატანა. ეს შეიძლება ფოტოს ხარისხის ან განათების ბრალიც იყოს. Ferrari-ის გუნდშიც თავისით გაგვამწესა.
ვეღარ გავიგებთ რა არის ნამდვილი და რა არა
შემდეგი მაგალითისთვის Gemini-ის Nano Banana-ს ვთხოვე წყვილის ფოტოზე, მათთან ერთად პატარა მეგობარიც მიემატებინა და როგორც ხედავთ, საქმეს იდეალურად გაართვა თავი - ქვიშაზე მისი ნაფეხურებიც კი ჩანს.
-ის ასეთი ტემპით განვითარების ფონზე, მალე უკვე გაგვიჭირდება გაგვიგოთ რომელი ფოტოა რეალური და რომელი ყალბი.
გარდა ამისა, ახლა უკვე შეგიძლიათ თქვენს მენეჯერს ან კოლეგებსაც კარგად გაეხუმროთ (იხილეთ ქვემოთ სურათი). მოკლედ თქვენს კრეატიულობაზეა დამოკიდებული სადამდე გააფართოვებთ Nano Banana 2-ის შესაძლებლობებს. მეეჭვება, რომ მალე მას რაიმე შეზღუდვები მოუძებნოთ. მთავარია, კარგი ხარისხის ფოტოები და მარტივად გასაგები ინსტრუქციები მისცეთ.
როგორც ხედავთ, არც საკლასო პროექტებისა და ორიგინალური ნახატების შექმნისას დაგაღალატებთ Nano Banana 2.
ამასთანავე, თუ პირველად იწყებთ, ინსპირაციისთვის შეგიძლიათ Nano Banana-ს მიერვე შემოთავაზებულ მაგალითებს გაეცნოთ და თქვენი სატესტო ვიზუალებიც მათ მოარგოთ.
ფასები & პაკეტები
პაკეტი | დღიური ლიმიტი (Quota) | დამატებითი შესაძლებლობები |
|---|---|---|
Basic (უფასო) | 20 გამოყენება | სტანდარტული წვდომა Nano Banana 2 მოდელზე. |
AI Plus | 50 გამოყენება | წვდომა Nano Banana Pro-ზე ("Redo with Pro"-ს მეშვეობით). |
Pro | 100 გამოყენება | წვდომა Nano Banana Pro-ზე ("Redo with Pro"-ს მეშვეობით). |
Ultra | 1,000 გამოყენება | პრიორიტეტული და მაქსიმალური წვდომა Nano Banana Pro-ზე. |
შევაჯამოთ
რაც უფრო მეტ რამეს ვცდილობ, მით უფრო გაოცებული ვრჩები მისი შესაძლებლობებით. თანაც, ისიც უნდა გავითვალისწინოთ, რომ ეს ყველაზე მარტივი მაგალითებია, რითაც გვინდოდა ამ ხელსაწყოს შესაძლებლობები გვეჩვენებინა. რასაკვირველია, მას გაცილებით მეტიც შეუძლია და ბევრად უფრო დახვეწილ, არტისტულ და პროფესიონალურ სურათებსაც ქმნის, რომელთა გამოყენებასაც საკუთარი ბიზნესისთვის ან პირადი პროექტებისთვისაც გამოიყენებთ.
