ორწლიანი AI-იმედგაცრუების, გაუქმებული ფუნქციებისა და Siri-ს შელახული იმიჯის შემდეგ, Apple-მა ბაზარზე მკაფიო გზავნილი გაუშვა: Siri ხელახლა დაიბადა. Siri-ის ახალი მოდელი AI ბაზაზეა შექმნილი, რისთვისაც Google-ის Gemini მოდელს იყენებს. გარდა ამისა, ის Apple-ის ეკონსისტემაში უკე დამოუკიდებელი აპლიკაციის სახით შეგხვდებათ. როგორც ცნობილია, ამ თანამშრომლობისთვის Apple-ი Google-ს წელიწადში 1 მილიარდ დოლარს უხდის.
ახალ ასისტენტს აქვს უნარი აღიქვას პერსონალური კონტექსტი ყველა აპლიკაციაში, ხედავდეს რა ხდება ეკრანზე და სრულად ინტეგრირდეს ოპერაციულ სისტემაში. მომხმარებლები იხილავენ ახალ ბრძანებას „Search or Ask“ პირდაპირ Dynamic Island-იდან, რაც ძველ ხმოვან ტრიგერს ტექსტურ-ხმოვანი ჰიბრიდული ინტერფეისით ჩაანაცვლებს. Safari-ში ჩნდება ჩანართების AI მენეჯმენტი, ხოლო უსაფრთხოების კამერების სისტემა (Apple Home Secure Video) ხელოვნური ინტელექტის დახმარებით დეტალურად აღწერს თითოეულ ჩაწერილ მოვლენას.
აგენტები საოპერაციო ფაზაში: Microsoft Scout-ის დამოუკიდებელი იდენტობა
Microsoft-მა წარმოადგინა ახალი აგენტური მოდელი Scout — პირველი სრულფასოვანი „ავტოპილოტი“, რომელიც მუდმივ რეჟიმში მუშაობს Teams, Outlook, OneDrive და კალენდრის პლატფორმებზე, ყოველგვარი პრომპტის მოლოდინის გარეშე. რაც ყველაზე მნიშვნელოვანია, Scout-ს აქვს საკუთარი Entra ID, ის შიდა სისტემებში ჩნდება როგორც დამოუკიდებელი, ვერიფიცირებული თანამშრომელი და არა როგორც გვერდითა პანელური ფუნქცია. მას შეუძლია ავტონომიურად ჩაერთოს ჩატებში, უპასუხოს იმეილებს და გადაგეგმოს შეხვედრები კალენდარული უზუსტობებისას საზოგადოებრივი ხელმისაწვდომობა 2026 წლის ოქტომბერში იგეგმება.
ახალი ინსტრუმენტები და გლობალური განახლებები
OpenAI-მ ახალი Dreaming V3 არქიტექტურა ჩაუშვა, რომელიც ფუნდამენტურად ცვლის ჩატბოტის მეხსიერებას. ნაცვლად იმისა, რომ მომხმარებელმა ხელით მიუთითოს „დაიმახსოვრე ეს “, სისტემა ფონურ რეჟიმში აანალიზებს წარსულ დიალოგებს, აკეთებს კონტექსტის სინთეზს და პერიოდულად ავტომატურად ანახლებს მას. გარდა ამისა, Gmail-ის ან Outlook-ის დაკავშირებისას მომხმარებლებს უკვე შეუძლიათ იმეილების დაწერა და გაგზავნა პირდაპირ ChatGPT-ის ჩატიდან გაუსვლელადაც. პარალელურად, კომპანიამ ძველი GPT-5.2 მოდელები მიმოქცევიდან სრულად ამოიღო და ყველა მომხმარებელი უნივერსალურ GPT-5.5 სტანდარტზე გადაიყვანა.
ლოკალური მოდელების მიმართულებით, Google-მა Gemma 4 12B გამოუშვა, რომელიც ტექსტთან, გამოსახულებებთან და აუდიოსთან მუშაობას აერთიანებს და სრულად ფუნქციონირებს ჩვეულებრივ, 16GB ოპერატიული მეხსიერების მქონე ლეპტოპზე. ასევე აღსანიშნავია, რომ ორი კვირის წინ გამოჩენილმა MAI Image 2.5 მოდელმა, რომელიც PowerPoint-ში ინტეგრირდება, გამოსახულების რედაქტირების გლობალურ რეიტინგებში მეორე ადგილზე გავიდა. Google-მა კი პარალელურად წარმოადგინა „Daily Story“ — ფუნქციონალი, რომელიც Gmail-ს, კალენდარსა და ფოტოებს უსასრულო სქროლვის ნაცვლად ორგანიზებულ ყოველდღიურ ნარატივად აქცევს.
ტრამპის განკარგულება AI კომპანიებისთვის
AI სექტორში რეგულაციების გამკაცრება ეტაპობრივად იწყება. გასულ კვირას პრეზიდენტმა ტრამპმა ხელი მოაწერა AI მმართველობის პირველ მნიშვნელოვან აქტს. განკარგულება მოწინავე მოდელების დეველოპერებს ავალდებულებს, რომ საჯარო რელიზამდე 30 დღით ადრე მისცენ წვდომა ფედერალურ მთავრობას ტესტირებისთვის. გარდა ამისა, პრეზიდენტმა მიზნად დაისახა ახალი, სპეციალური AI კიბერუსაფრთხოების ცენტრის შექმნა.
შევაჯამოთ
ხელოვნურმა ინტელექტი ჩვენ აღარ გველოდება, მან ნებართვების მოთხოვნა შეწყვიტა. Microsoft-ის Scout შეხვედრებს დამოუკიდებლად ესწრება. ChatGPT-ის მეხსიერება კი მომხმარებლის გარეშე ახლდება. Apple-მა თავისი ყველაზე პერსონალური პროდუქტი კონკურენტის მოდელზე ააშენა და მილიარდობით მოწყობილობაზე მისცა წვდომა. ხელოვნური ინტელექტი მუშაობას უკვე იქამდე იწყბს, სანამ ამას თქვენ სთხოვთ, იმახსოვრებს მითითების გარეშეც და აპლიკაციებიდან გაუსვლელადაც მოქმედებს. მთავარი კითხვა უკვე ის კი არ არის, გამოიყენებთ თუ არა მას, არამედ ის თუ როგორ შეამჩნევთ საერთოდ, როდის იყენებთ მას?
ეს უბრალოდ AI-ია.
Apple-ის სრული კონფერენციის ნახვას ამ ვიდეოში შეძლებთ:
