2024 წელს შექმნილი Sora-ს ეპოქა, რომელმაც მთელს Hollywood-ს ზარი დასცა, დღეს უკვე დასასრულს უახლოვდება. Sora ვიდეო გენერაციის აპლიკაცია იყო, სადაც მომხმარებლებს ვიდეოს გენერაციასთან ერთად, შეეძლოთ სხვების მიერ შექმნილი ვიდეობიც ენახათ.
პლატფორმამ თავიდანვე დიდი დებატები გამოიწვია, რადგან ის უნებართვოდ ქმნიდა ისეთ პერსონაჟებს, რომელზეც პლატფორმას საავტორო უფლება ან ლიცენზია არ ჰქონია. ამ ყველაფერმა კი, რა თქმა უნდა, მალევე გამოიწვია სასამართლო დავებიც.
Sora-ს დახურვის შესახებ გადაწყვეტილება OpenAi-იმ X-ის (ყოფილი twitter) სოციალურ ქსელში გამოაქვეყნა.
გარდა ამისა, ცნობილი იყო, რომ კომპანიაში Disney $1 მილიარდიანი ინვესტიციის ჩადებას აპირებდა, რაც ბუნებრივია ასევე ჩაიშალა. Disney-სთან გარიგების თანახმად, მომხმარებლებს შეეძლებოდათ შეექმნათ ვიდეოები Disney-ის პერსონაჟებითაც, საავტორო უფლებების სრული დაცვით. უფრო მეტიც, მათი გამოჩენა Disney+ პლატფორმაზეც იგეგმებოდა.
დიდი ალბათობით, Disney-ის მიერ ინვესტიციის უკან წაღება უბრალო PR გადაწყვეტილება იყო. როგორც მისმა წარმომადგენელმა განაცხადა, ისინი არ შეწყვეტენ AI პლატფორმებთან ურთიერთობას და ეცდებიან, თანამედროვე ტექნოლოგიებთან დაკავშირება და AI კომპანიებთან კოლაბორაცია სამომავლოდაც განაგრძონ.
ეს არ ნიშნავს Sora-ს ისტორიიდან წაშლას
AI გენერირებული ვიდეოს იდეა არსად ქრება. Sora-ს კონეცფცია უფრო მეტად სოციალური მედიის მსგავსი პლატფორმის შექმნა იყო, რაც გეგმის მიხედვით აშკარად ვერ განვითარდა. სწორედ ამ გეგმას ემშვიდობება კომპანია.
ChatGPT-ის მეშვეობით კვლავ შესაძლებელი იქნება ვიდეოების გენერაცია და ახლა უფრო მეტი ძალებით მოუწევს OpenAI-ის სხვა კომპანიებისთვის კონკურენციის გაწევა.
Sora-ს დახურვა არ არის მოულოდნელი, ამ ეტაპზე AI ინდუსტრია საკმაოდ მერყევი და არასტაბილურია - განსაკუთრებით ფინანსური კუთხით. მუდმივად ძლიერდება ხელსაწყოები, რაშიც დიდი ინვესტიციები იდება, ეს ყველაფერი კი ერთბაშად, საზოგადოებისთვის ხშირად ზედმეტია.
ამასთან ერთად იზრდება ხარჯებიც და რთული ხდება AI-ის ეფექტური მონეტიზაცია, განსაკუთრებით კონკურენციის პირობებში. რა თქმა უნდა, ეს არ ნიშნავს, რომ AI ინდუსტრია ჩამოშლის პირასაა, თუმცა ნამდილად მიანიშნებს ამის საფრთხეზე.
ეს უბრალოდ AI-ია.
